JURIG KABAYAN

http://droppedbox.files.wordpress.com

Mitoha  Si Kabayan meuncit hayam, tuluy digoreng mani melenghifr seungit, ka ambeEun ku sikabayan. Gawena kalantang kulinting da hayangeun diajakan dahar.Teu lila Mitoha Si Kabayan gegeroan ka Si Kabayan. “Kabayan Hayu urang Nyat-nyat,” Cenah.

Si Kabayan atoheun pisan, gancang mawa piring nyampeurkeun ka dapur.
“Rek Naon mamawa piring, Kabayan” Ceuk Mitohana.
“lain Tadi ngageroan ngajak Nyat-nyat, ari Nyat-nyat teh pan nyatu alias dahar,” Ceuk Si Kabayan .
“Nyat-nyat soteh nyacar, Bapa mah, lain nyatu,” ceuk Mitoha Si kabayan.” Lamun hayang dahar kudu daek gawe. Hayu anggur mah   Bapa bantuan nyacar di pasir.”
“ Embung teuing ,” ceuk Si Kabayan teh. “Ieu nyeri huntu, jeung incok mondok dina punduk.” Cenah bari ngaleos ka Enggon , ngadon morongkol. Tepi ka burit Si kabayan teu dibere ngasaan daging hayam. SI Kabayan kacida ambekeunana.
Sanggeus peuting SI Kabayan bebeja ka pamajikannana.”iteung uing rek maling hayam,” cenah.
“Eum, bet lalawora teuing. Rek maling Hayam saha?” pamajikan Sikabayan Nanya.
“Hayam Bapa maneh,” Ceuk SI Kabayan  teh.
“Ulah, Kabayan, Menta wae Hayang mah,” ceuk pamajikannana.
“Menta ti Mendi, mitoha sakitu koretna. Tadi ge meuncit Hayam, teu mere saciwit-ciwit acan,” ceuk Si Kabayan bari jebi.
Si kabayan nyokot sarung, tuluy di talikeun lebah tarangna. Geus kitu sarungna di balikkeun diturubkeun kana siarahna, nu katembong ngan panonna wungkul.
Kira Wanci sareureuh budak, kencling Si Kabayan indit, muru kandang Mitohana. Lempang depang depong da sieun kanyahoan ku mitohana. Barang tepi  ka Kandang hayam, kandang teh di buka pantona, tuluy nyokot hayam anu panggedena. Hayam danten kakara rek ngendog. Tapi Hayam na kalah ngagarapak. Atuh Mitoha Si Kabayan hudang, tuluy muru kandang, bari ngagorowok. “Bangsat” Cenah.
“Lain,” ceuk SI kabayan teh, “ieu mah Jurig.”

“Aya jurig maling hayam,”Ceuk mitoha Sikabayan teh bari singkil rek Newak Si kabayan nu undur-unduan.
“Hayam mah kabeuki jurig. Getihna di uyup polona diclokclok, taina keur didinya....” ceuk Sikabayan teh.
“Ah, Bangsat mah, bangsat bae.” Ceuk mitoha Si Kabayan bari ngarawel palang panto kandang rek digebugkeun ka Si Kabayan.

“E....tongtlo,..e..tongtlo,” ceuk Si Kabayanbari aclog-aclogan. Geus kitu becir we lumpat notog-notogkeun maneh. Mani blug-blug labuh, da ridu ku arung, tapi lumpatna teu eureun-eureun da sieuneun ka tewak ku mitohana.

Mitohana teu tuluy ngudag, da  kaburu capeuun maklum geus kolot. Tuluy bae balik deui ka imahna. Sanggeus katenjoan mitohana asup ka imah. Tuurna barohak tarangna bancunur tidagor kana tihang kandang.

“Mana oge ulah sok pulang-paling kana banda batur,” ceuk pamajikanana. “Kumaha ari geus kieu?”
“Gandeng,” Ceuk Si kabayan teh.”Da malingna geu teu tulus. Anggur mah kami baluran,”Cenah bari sengar-sengir mencetan tuur. (Di cutat Tina Buku Jurig Kabayan Karya Tini Kartini Penerbit Rahmat Cijulang)

Categories: Dongeng